ኦርድኑንግሳምት (ቤት ጽሕፈት ህዝባዊ ጸጥታ/ ስርዓት) ንብዙሓት ንዜጋታት ዚወሃቡ ኣገልግሎታት ኣብ ጽላል ቊጽጽር ማዛጋጃ ቤት (ቤት ምኽሪ ኸተማ) የማእክል። ገለ ኻብዞም ብዙሓት ኣገልግሎታት እዚኣቶም ዙላሳንግስተል (ቤት ጽሕፈት ፍቓድ ንግዲ)፣ ኦስላንደርበሆርድ (ጒዳይ ወጻእተኛታት) እዮም።
ኦስላንደርበሆርድ ኣብ ዝተፈልየ ኣድራሻ ዚርከብ እኳ እንተኾነ፣ ኣካል ናይ ኦርድኑንግሳምት እዩ። ወጻእተኛታት መጀመርያ ምልክታ ኬቕርቡ ኣለዎም፣ ዳሕራይ ካብ ኦስላንደርበሆርድ (ካልኣይ ስሙ ኦስላንደራምት) ምላሽን ቈጸራን ይጽበዩ። ንዝበዝሐ ሕቶታት፣ ምልክታ ቕድሚ ምሃብካ ዘይኮነስ፣ ምልክታ ምስ ኣቕረብካ ነቶም ዚምከቶም ሰበ ስልጣን ምዝራብ ይምረጽ።
ኣገልግሎታት ኦርድኑንግሳምት ብቐዳምነት ንጒዳያት ጸጥታን ስርዓትን እዮም ዚምልከቱ። ሰርቪዘንትረም ራንድ ኡምስ ኣውቶ (ኲሉ ብዛዕባ መካይን ዚምልከቶ ማእከል ኣገልግሎት) ዚብሃል ትካል ፍሉይ ኣገዳስነት ኣሎዎ። ዚህቦም ኣገልግሎታት፣- ምዝገባ ንኣሽቱ መካይን፣ ዓበይቲ መካይን፣ ብሽክለታት ሞተር፣ ወዘተ፤ ምድላው ፍቓድ ምዝዋር መኪና፣ ናይ ታክሲ ፍቓድ፣ ከምኡውን ናይ ነበርቲ መካይን ናይ ምቛም ፍቓድ ምሃብ የጠቓልሉ።

Ubuntu Newcomer Portal(BETA)

Info Pool

(Ordnungsamt) ኦርድኑንግሳምት

(Ordnungsamt) ኦርድኑንግሳምት

Login